Iischi Stars
Iischi Stars, di Produzäntinne und Produzänte und iru regionale Produkti schtänd im Wallis im Rampuliächt. Di köschtlichu Sache chamu z ganz Jaar ässu.
Morgu am sägschi. Der Julien leit schiis Gwand a: Schüä und Aarbeitshosä. Unnerwägs schnüfut är di frisch Luft i. Schini Äämrichbeim, also d Aprikosebeim, glänzund im Morgutau unner der Walliser Sunna.
Ä isch zääni. Di Christine verzellt am Märt de Liit va iru Produkt. Schpargle, Tomat, Radiislini, Äärberr, Äämrich.
Namitag am zwei. I schim Chäller jongliert der Olivier mim Rootu und Wiissu fer schiini Gäscht und serwiert dr beschti Tropfu. Ä Cornalin va 2022 mim Label «Marke Wallis».
Namitag am füüfi. Der Sylvain schteit in schinum Magusii mit Mätzgerii und grächut mit vill Gschpiri Walliser Trochufleisch IGP, Walliser Ragglett AOP, Walliser Roggubrot AOP und Walliser Rooschinku IGP.
Unnerschtizzed churzi Transportwäga und rickud dischi Frowwä und Männär mit iru Wissu ins beschtu Liächt. Ds Label «Marke Wallis» garantiert d Ursprünglichkeit und d Qualität va iische Produkti.
