Iischi Stars

Der ganz Tagg schtänd iischi Stars, di Produzäntinne und Produzänte und iru regionale Produkti im Wallis im Rampuliächt. Di köschtlichu Sache chamu z ganz Jaar ässu: zum Biischpil im Summer frischi Fricht, Fruchtsaft und Wii immer, und im Winter Komfitür und Chääs.

Äs isch Morgu am sägschi. Na mu Kaffe leit der Julien schiis Gwand a: äs parr güäti Schüä und Aarbeitshosä. Unnerwägs schnüfut är di frisch Luft i. Schini Äämrichbeim, also d Aprikosebeim, glänzund im Morgutau unnerum schönschtu Schiiwärfer, der Walliser Sunna.

Ä isch zääni. Di Christine het iru Schtand am Märt üfgibuwt und verzellt de Liit va ire Produkt. Fasch wie ne igschtudiärti Choreografii sind irasch Schpargle, feistu Tomat, Radiislini, Schalini mit riife Äärberr oder saftigi Äämrich üfgetischt.

Äs isch Namitag am zwei. Imu Chäller wa der Mickaël hitu Morgu di Tribil gepresst het, jongliert er jez mim Rootu und Wiissu fer schiini Gäscht. Äs brücht kei roote Teppich, will di waaru Stars ine Gleser sind: ä Johannisbärg va 2022, zertifiziert mit der Marke Wallis, ä milde Wii mit ra Zitronunota – im Mül ä waari Gschmaksexplosioo.

Äs isch Namitag am füüfi. Der Sylvain schteit in schinum Magasii mit Mätzgerii nid ufer Büüna. Är brücht schiis Talent liäber hinner de Kulisse und bireitut Walliser Trochufleisch IGP, Walliser Ragglett AOP, Walliser Roggubrot AOP oder der Walliser Rooschinku IGP uf iru gross Üftritt vor.

Wenn ier churzi Transportwäga vorziet, rickud ier di Produzäntinne und Produzänte mit iru Wissu ins beschtu Liächt. Iischers Label «Marke Wallis» garantiert d Ursprünglichkeit und d Qualität va iische Produkti.

Aktuell: Weli Produkti giz jez grad?

Der root Teppich: Iischi Saisonrezäpti

Hinner de Kulisse